محترفين سيئين ، دفاع ضعيف و اعداد بسيط
0 Comments Published by Salawi on Saturday, October 21, 2006 at 10/21/2006 10:36:00 am.ناس وايد قاعدة تطرش لي ايمايلات و تسأل ليش ما قاعد تكتب عن الدوري لحد الآن ؟
الصراحة، أكتب عن شنو ، المستوى يا جماعة جدا هابط، والأفرقة للحين قاعده تجرب المحترفين و المدربين
و فريق منافس نفس المحرق، يزعم داشين في الدوري، بدل 3 مدربين ونص لحد الحين
هذي كلة راجع لسلبيات نظام المربع إلي تخلي الأفرقة ما تهتم في النتائج الأولية لأنها ضامنة المربع، وهذي يأثر من مستوى الدوري خصوصا في البداية
آنة تابعت مباراة الحالة و المحرق ، و النويدرات و الأهلي، يعني هلأفرقة مدربينهم ما يعلمون لاعبينهم شي اسمة دفاع
الي يتابع المباراة و ما يعرف سلة عبالة اللاعب الي يسجل سوبرستار، ما يعرف إنة قاعد يلعب من دون أي دفاع جدامة
يعني شلون تبي أفرقتنة تسوي نتائج على المستوى الخارجي و أهي تبي تلعب في الدوري دفاع شوارع ؟ يعني أقصار و بعد ما في دفاع
و الصالة هل الأيام إذا تروحها جنك قاعد في أديس ابابا....من وين اييبون هل المحترفينالمحترف الوحيد الي لفت نظري لحد الآن هو محترف المنامة لانة لعب مع فريق يوكن هسكيز الي فاز في البطولة سنة 1999 مع خالد الأمين و ريب هاميلتون
0 Responses to “محترفين سيئين ، دفاع ضعيف و اعداد بسيط”
Post a Comment