انتقالات الموسم القادم
0 Comments Published by Salawi on Monday, July 31, 2006 at 7/31/2006 10:24:00 pm.الشي إلي راح يميز الموسم القادم أهو انتقالات اللاعبين ، خصوصا بعد أن سمح إتحاد اللعبة بانتقال اللاعبين فوق ال30 سنة بدون شروط
آنة في نظري الشخصي إن القرار ناقص، و إحنة إذا صج بغينة إنه يكون لنة دوري قوي لازم انتقالات جميع اللاعبين اتكون بدون قيود ، بس فكر اشلون بيكون الدوري لما يكون عندك 4 أو 5 اندية يمتلكون 12 لاعب متميز يمكن للمدرب أن يعتمد عليهم في الملعب
بس المشكلة إنة اتحاد اللعبة للحين قوانينة من العصر الحجري و تخدم مصلحة الأندية فقط وتظلم اللاعبين البحرينيين بصورة انة تخليهم عبيد لأنديتهم ، ليش آنة مادري ، يمكن عشان الجوتي الي توزعه بطلعت الروح كل موسم. و عشانة الإداريين يضربون في صدرهم و يقولون إحنة صارفين علي اللاعب شلون ينتقل
احنا إذا كنا نبي إنطور اللعبة في ديرتنه لازم اتحاد اللعبة يغير من قوانينة عشان تخدم مصلحة 3 اطراف:
مصلحة المنتخب
مصلحة الأندية
مصلحة اللاعبين البحرينيين
على العموم ابرز الإنتقالات إلي صا
رت لحد الحين اهيه:أحمد المطوع من المنامة إلى المحرق ، صفقة جيدة خصوصا إن المحرق راح يفرغ أحد المحترفين لمركز الجناح، بس اللاعب في نظري ما بواصل أكثر من موسم واحد مع المحرق
احمد مال اللة من الحالة إلي الاهلي، المشكلة الي بتواجه احمد إنة لازم يواظب على التماريين بصورة جدية و يحاول إنة يخفف من وزنة، السن طبعا بيلعب دور في هذي الشي بس ما ننسى إنة خبرتة في الملاعب يمكن يستفييد منها الأهلي خصوصا في الدوري البحريني
ياسر بو نفور (الحالة)، حسين علي و حسن عبد النبي (الأهلي ) الى نادي النويدرات. هل بيتطور النويدرات عن المواسم الماضية ؟ الجواب نعم. بس هذي بيكون على حساب اللاعبين الصغار المتحمسين للعبة ، خصوصا إنة مواصلة اللاعبين المنتقليين في النادي امر مشكوك فية للمواسم القادمة، و المشكلة الأولى للمدرب إلي بيمسك الفريق هو رجوع اللاعبين إلي الدفاع و مواظبتهم للتمارين بصوره يومية.
الإنتقال الأبرز و إلي ماتم الإتفاق علية هو إنتقال كاظم ماجد من الإتحاد إلى الأهلي، اهي صفقة ناجحة و أنة إذا كنت مكان الأهلاوية ما بصك الباب على العرض و بواصل التفاوض، أنة مو متأكد من العرض و هل اهو 20،000 دينار كما هو مصرح في الجرايد بس اللاعب يمتلك موهبة سلاوية و مهارات فردية رائعة، يمكن الطول يكون عائق بس يمكن تعويضة إذا طور اللاعب نفسة ، خصوصا في التصويب
0 Responses to “انتقالات الموسم القادم”
Post a Comment