فوز مستحق لسلة سترة ، والأسد في حيرة
0 Comments Published by Salawi on Sunday, November 05, 2006 at 11/05/2006 10:08:00 pm.
فوز مستحق لسترة على الأسد المنامي ، جعل عشاق الأسود في قلق على مستوى الفريق
في نفس الوقت لازم ما ننسى إنة فريق سترة لعب مباراة كبيرة و إلي ميزة في هذي المباراة أهو حماس اللاعبين و اصرارهم على تحقيق الفوز
و المنامة اللة يعينة إذا لاعبينة بواصلون على الأداء الهابط ، خصوصا إنة فقد الأساسيات إلي كان يتميز فيها، نفس الفاست بريك و الدفاع القوي والروح القتالية في الملعب، و شخصيا و حسب خبرتي إنة المدرب شيلانة مسألة وقت و المحترف السنتر يحتاج تبديل.
لازم الفريق يرد لاعبينة المبتعدين و يفكر شوي في المستقبل و يحط شوي ثقة في الشباب و ينسى الأسامي لأنها ما بتنفع نهاية الموسم
لازم الفريق يرد لاعبينة المبتعدين و يفكر شوي في المستقبل و يحط شوي ثقة في الشباب و ينسى الأسامي لأنها ما بتنفع نهاية الموسم
اما في المباراة الثانية فأنا ما إستغربت فوز الأهلي على المحرق، مشكلة المحرق إنة إدارية ما يعرفون شلون يبنون فريق منظم. وهذي ينعكس على أداء الفريق في الملعب ، تغيير المدربين ، غياب اللاعبين عن التماريين تغيير المحترفيين، التعاقد مع لاعبي بو موسم واحد......يعني بإختصار في فلوس بس ما في تخطيط
الأهلي يوم فوق و يوم تحت ، بس إذا إستقر على تشكيلتة و مدربة و محترفينة (وش بقه) راح يكون له كلام ثاني
شكله الدوري هلسنة غير عن باقي السنوات لسبب واحد، الي بياخذة أهو صاحب أفضل المحترفيين، لأن مستوى الأفرقة مع مدربينها متواضع و متقارب
0 Responses to “فوز مستحق لسلة سترة ، والأسد في حيرة”
Post a Comment